احفظنا يااااااااااااارب واسترها علينا ...................

يااااااااااااااااااااااااااااااااااااااااريت نتعلم من اخطاءنا واقروا القصة دى.........واحده كتبت قصتها .............

انا غلطت غلطه كبيره اوي من سنتين ونص تقريبا
كنت ضيعه ومحدش واقف جمبي وحياتي ملهاش لزمه
بنت خالتي قالتلي تعالي ادخلي معانا الشات ضيعي وقت ومش هتحسي بالملل الي انتي عيشاه ده
دخلت كام يوم مكنش عجبني الحال كله كلام فاضي وكنت مقتنعه بكده بس الشيطان الله يحمينا منو
في يوم الظروف جت عليا وكنت مخنوقه اوي وجالي صاحب الشات عايز يتعرف عليا
بصراحه كنت بضحك واهزر وبس مليش في الكلام الفاضي
قعد يحكيلي انه بيحب بنت وهتتجوز وونفسيتو كانت زفت
طلب مني اخد ايميلو اخدتو بصراحه وقعدنا نتكلم اسبوعين اصدقاء وكان بيعيطلي عشان حبو بيضيع منو صدقت بجد

وبعد م حببتو اتجوزت بفتره قعد يقولي انا معجب بيكي وحبيتك معرفش ازاي انا كنت مدركه انه طالع من صدمه
وعايز يخرج منها وانا كمان عايشه في صدمه وعايزة اطلع منها حسيت اني بتشدلو
واتفقنا اننا هنتجوز اتفقنا تقريبا على كل حاجه
قالي ممكن اشوفك من البدايه قلتلو مش عندي كام ممكن اوريك صورتي
ارسلتلو صورة مش صورتي قلت لما اتاكد من مشعرو الاول
حسيت انه عايز يكون معايا طول الوقت وصدقتو قالتلو هستلف كمرت صحبتي وهخليك تشفني
وده بقا المصيبه بحد زتها لاني اصلا مبصدقش بتوع النت بس ضعفت معرفش ليهه يمكن عشان كنت ضيعه وحياتي عدم
وبدئنا كل يوم نتكلم وفتحتلو الكام حوالي خمس مرات ومنكرش اني ضعفت غباء مني اكيد واستاهل كل الي الي بيجرالي
بس انا من 8 سنين مبسبش ركعه عملت عمره يمكن 8 مرات ليه اضعف ليه مخفتش من ربنا معرفش ليه بجد امنتلو
اخر يوم كان مبنا صديق ليه كلمني ده بعتبرو اخ ليا بجد قالي انتي في حاجه بينك وبينو مقدرتش اكدب عليه حكتلو واننا اتفقنا على الجواز
قالي ده واحد كداب وبيصور البنات اتصدمت يعني ايه بيصورهم من موبيل تقصد
قالي لا ده في برنامج بيصور وهو متعود على كده والبنت الي مطعهوش ينزلها الفديو بتعها يوتيوب على طول
انا بقا اتصدمت قالي انا هروح عندو واتاكدلك وامسحلك لو في حاجه
راح ولقاها حسبي الله ونعم الوكيل فيه صديقي قالي على الفديوهات بالتفصيل واقسملي انه مسحهم

انا بقا وجهت الكلب ده وقعد يحلف انه مليش حاجه عندو وان الناس بتوقع مبنا لاني مقلتلوش مين اكدلي
وقلتلو انت انتهيت من حياتي ربنا ينتقم منك واتخنقنا خناقه جامده
واقسمت لربي اني هبعد عن العالم الزباله ده ومش هيبقى ليه علاقه باي حد وعملتلو دليت خالص

وقلت ابدا مش هكلم اي حد من على النت ولا غير النت
خدت درس مظبوط
بعد ست شهور كده دخلت منتدى كنت بحبو اوي في ناس من موقعو كانو يعرفوني لاني بطبعي صريحه مش بحب الكدب
راحو قالولو راح عملي تهديد فضيحتي معاه انا مصدقتش لانن صحبي قالي انه مسح الفديهوهات كلها
دخلت كلمتو انت عايز مني ايه قعد يشتم شتيمه قزره واقولو ربنا ينتقم منك يشتم على ربنا اخر ثفاله ميعرفش ربنا اصلا ربنا ينتقم منه
المهم قلتلو انت كداب ومليش حاجه عندك قالي واله طيب استلمي
فتحلي كره وهميه وعليه تصوري يارب ينتقم منه ويحصني اتصدمت اتصلت على صحبي قلتلو ده الي مسحتو قالي واقسم بالله مسحتهم
بس تلاقي الفديو ده كان حطو في مكان تاني قلتلو اتصرف المهم طلع في برنامج بيستعيد اي حاجه اتمسحت من الهارد يخربيت ابو النت وسنينو السود
حسبي الله ونعم الوكيل
قررت ابقى مع ربنا واتنقبت ولله الحمد ورجعت لجوزي وعرفش اي حد في الدنيا غير بتي وولادي
وبعد سنة و8 شهور لانتها ء الموضع النهارده اخويا اتصل بيه قالي انتي تعرفي حد اسمه فلان يلا الغباء واصدمه
قالتلو اه من زمان معرفش عنو حاجه قالي اتفضلي يا ستي شوفي اليوتيوب قلبي وجعني ايه الابتلاء العظيم ده يارب لدرجه دي مغفرتليش ومحصنتنيش وانا في كل صلاه بدعيلك
الصدمه اني اخويا فتح الايميل ازاي لانه هوه الي كان عملي الايميل ومتوقعتش انه يكون حافظ الباص ورد لدلوقتي لاني نسيتو اصلا

بجد انا هموت من الحصره
انا هموت بجد بيتي اتخرب ادعو معايا ربنايشتت شمله ربنا ينتقم منه يارب على الايام المفتجه ميجيلو غير سرطان يمشي في دمو
وياريت يا بنات كلكو تتعلمو من الي حصلي متؤمنوش لحد ولا تصدقو حد
حسبي الله ونعم الوكيل يا رب استرني

واحده اتقدملها عريس شوفوا بقا اللى حصلها...................بجد طريقة جديده للنصب.........


بعد ما المحترم كلم امى وايوة ياماما انا معجب ببنتك ويشرفنى اطلب ايديها منك وهاجيب مامتى وهنيجى نطلبها من البيت رسمى


بس جوايا والله على قد ماكنت فرحانة على قد ماكنت بقول يابنتى انتى مش مكتوب ليكى فرحة وهيروح زى ماراح غيره

وهيطلع زيهم كلهم

المهم اتصل بيا بعد ما كلم امى وقالى انا قولتلها كذا وان شاء الله نقرا فاتحة والخطوبة على العيد قولت ان شاء الله وقفلت على كدة

بالليل خالص حوالى واحد ونص لقيته بيتصل طبعاً ماردتش

تانى يوم اتصل الصبح وقالى انتى ماردتيش ليه قولتله علشان ماينفعش انك تتصل فى وقت زى دة
قالى طيب انا عايز اشوفك عدى عليا فى المحل اسلم عليكى بس

رفضت وقولتله لما تيجى انت ومامتك اكيد هتشوفنى

قالى ماانا كلمت ماما امبارح يعنى من حقى بقى اشوفك ولا انتى مش واثقة فيا وقولتله مش هينفع خاااالص الموضوع دة لما تيجى البيت انت واهلك

بعدها رجع بالليل برده اتصل بالليل خااااااالص الساعة 3 وربع او 3 ونص وطبعاً ماردتش برده

المهم تانى يوم جه مااتصلش استنيت للعصر كدة وقولت اتصل انا اشوف فيه ايه مش بيرد خالص بعتله رسالة قولتلله مش عارفة مش بترد ليه ان شاء الله خير وطمنى عليكم وسلملى على ماما وبس

وعدى اليوم ومااتصلش وبس على كدة وادى تانى يوم اهو ومش عارفة هيتصل ولا لا بس بيتهيألى كدة بان على حقيقته

شاف بقى ان لافيها خروج ومقابلات ولا فيها مكالمات فى نص الليل

يبقى هيستفيد ايه

بجد حسبنا الله ونعم الوكيل فى اللى يوعده بالجواز ويكلموا الاهل ويعملوا رجالة وهما شوية عيال

والحمد لله على كل شئ

انا بس حبيت اعرفكم التطورات وكل واحدة تخلى بالها من تصرفات الناس مابقاش فيه حد له امان

واللعب ممكن يوصل لحد الخطوبة ويبقى نوياهم اللعب ببنات الناس

ع فكره مش كل الشباب زلا بعض حتى لو كان فيه لو هنقول 70% حتى منهم

يبقى ف 30% كويسين

انا هقول حكمه ومثل
الحكمه بتقول (اذا اردت فاطمه فكن علي) فاطمه: خير نساء اهل الارض بنت رسول الله
على :هو على بن ابى طالب واد الحسن والحسين

المثل بقى بيقول
معدشى حد صالح كله بتاع مصالح

اكيد طبعا مش كل الشباب زى بعض
بس الاغلبيه بيبقوا بعيد عن ربنا اوى

بس كل انسان يبقدر يتغير ويقدر يكون افضل من اى حد

ربنا يزيد الانسان المهتدى هدايه ويهدى الضال ويغفر له

الحمد لله ع نعمه الاسلام

يا رتى هييجى ع امه الاسلام الى يبقى فيه الناس ف المسجد ف صلاه الفجر زى صلاه الجمعه

امـــــــــــــــــــــــــــين يارب

اللهم تب علينا واغفرلنا وارحمنا يارب العالمين

اللهم صلى على سيدنا محمد ف الاولين وصلى على سيدنا محمد ف الاخرين وصلى على سيدنا محمد ف كل وقت وحين وصلى على سيدنا محمد عدد ما كان وعدد ما يكون وعدد الحركات والسكون وعدد حبات الرمال وعدد اوراق الاشجار وعدد قطرات مياه الامطار

ما شاء الله كويس والله