مدرسة كفركلا الباب الثانوية المشتركة

منتدى تعليمى

  

 
نتائج الامتحانات  دليل مدارس الجمهورية
 

                    


    الشعر الحلمنتيشي

    شاطر
    avatar
    Crying sky

    المساهمات : 108
    تاريخ التسجيل : 05/06/2010
    الموقع : جاي بكلمها الشحن فصل زعلت واتقمصت من اللي حصل قال يعني بخونها ولا بغشها فاكراني قفلت السكه في وشها مع اني انا اللي في الاول متصل رحتلها اقابلها لقيت بنت اختها بتقولي خلاص الموضوع انتهي ومعاها جواب مكتوب فيه متاسفه لا في بينا كلام ولا سابق معرفه رغم اني مفيش اي غلطه عملتها جاي بكلمها الشحن فصل زعلت واتقمصت من اللي حصل لميت صاحبتها وقعدت احلفلهم وانا بحكي صعبت عليهم كلهم طلعوا مناديلهم وهات يا عياط وانا عمال ابصلهم واشهد ربنا علي ظلم وقسوه ناس بنحبهم تاني يوم علي بيتها جريت بالوردتين قلتلها انا اسف وهمشي بعدتين ضحكت وقالتلي بهزر كل ده انا عارفه ان انت متجيش الا بكده سالتني ايه رايك وشوفت وصلت فين جاي بكلمها الشحن فصل زعلت واتقمصت من اللي حصل قال يعني بخونها ولا بغشها فاكراني قفلت السكه في وشها

    الشعر الحلمنتيشي

    مُساهمة  Crying sky في الثلاثاء يوليو 12, 2011 12:13 am

    مذكرات يائس

    أنا لقمه بايته جنب حيطه في حته ضلمه أكلها كلب
    أنا نكته بايخه أو عبيطه سمعها واحد مات وطب
    أنا بيض ممشش ريحته وحشه ونحس دايم مستمر
    أنا طير معشش في الترب فكر في مره يستقر
    انا صوت بعيد دبحة وريد وشوكه في زور واحد جعان
    انا طبعا غير فنان فريد وبيطلق لمشاعره العنان
    أكيد هقول في مره لأ وأقوم وأقف على رجلي
    لقيت طلعلي في رجلي شق وضعت وراح خلاص حلمي
    فكرت في مره اكون شجاع وازعق بصوتي الناس تخاف
    و طلعت في الآخر بتاع أو بير غويط جاله جفاف
    هييجي اليوم أكيد هييجي وأزحزح الطوبه التقيله
    وهبقى محمود المليجي وعمري ما اتنيل بنيله
    وعمري ما أضعف أو أإن وهفتري عالخلق كله
    ولا عمر يوم يركبني جن وهنسى ماضيه وذله
    ولا هبقى طيب أو كريم بالعكس لازم ابقى عنتر
    والناس هتبقى عب حليم والباقي يبقى عبله واكتر


    حالتي متأخره



    حالتي متأخرة ... وحياتي راجعه لورا
    أنزل وأديها زقه ... واقفه ومحجرة
    طاب بس يا ناس قولو لي ... حلا للمسخرة

    مستني معجزة .... مخلوق للنرفزة
    كدة أهو من أي حاجة .... وبحب المشورة
    حالتي متأخرة

    الناس أعصابها باردة .... عايشين تحت المخدة
    حتى دقات قلوبهم .... نايمة ومشخرة
    حالتي متأخرة

    بسأل في ده وده .... جاوبوني مش كدة
    ساعدوني مش هينفع .... دة أنا أصلي كوز درة
    حالتي متأخرة

    دي حياتي يا ناس قرف .... وعايشها للأسف
    وأما أحكي لحد عنها .... بيدور كركرة
    حالتي متأخرة


    نظره مستقبليه



    إطلع بقه م المية العكرة وخد غطسين على بره
    نضف مخك بص لبكرة وإنسى الماضي لمرة

    لف ودور في الأرض الواسعة خد من غيرك عبره
    علشان توصل لازم تسعى وتسيبك م الذكرى

    كوم القش ده يبقى الدنيا وانت يدوب الإبره
    كون الأول نط في ثانية وإطلع سلم بكره

    خد بالك دايماً م الفرصه دي ما بتجيش غير مره
    يتكون كده موكوس ميت وكسه يا هتكتشف الذره

    إوعى تقول بكره هتتعدل ومتمشيش بالقدره
    إسعى وربك يوم هيسهل واخرج بقه م القِدره

    وأما هتوصل عارف دورك فاكر كنت البذره
    ينزل دمعك يسقي جذورك يصبح اسمك شجرة



    اديني مطلع أغنية



    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    واحد أخينا من طيبته قاعد يصالح في خطيبته
    جايب لها وردة يا خيبته قالت له أروح يا عنيه

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    وجارنا كان حتة فشار فهمني إن أبوه طيار
    ده عربجي وأبوه حمًار وأمه اللي شادًه العربيه

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    وأخينا ده جاي مـ المنيا ويقولي جاااي من ألمانيا
    ما بان عليه الكدب في ثانيه لابسلي كاب عـالجلابيه

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    وفي مرة باكل طبق الفول في شيء حصل كان مش معقول
    أمي قالتلي كفايه بقول شاحتين شوية ملوخية

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    وسعيد صبارص كان صاحبي في الشدة كنت ألاقيه جنبي
    ديتها سهره تراللًي ودماغي ترجع تاني عالية

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    أنا كنت يوم فاكر اللحمة فاكر كمان إنها طعمه
    نحمدو ونشكرو عالنعمة ويارب خلي الطعمية

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    ومرة أخدوني تَحَرِي وقفايا كدة وَرَمْ دوغري
    مهمنيش حاجة لأني جوز خالتي صول في الداخلية

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    وأول ما تدخل حتتنا تقابلك الريحه النتنه
    مكتوب هنا على بابا بيتنا ممنوع دخول الحراميه

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية

    ***
    ورحت مرة أنا للجزار قلت أشتري فشة وممبار
    بفلوسي جاب لي رجل حمار وقاللي تنفع تسقية

    ***
    إدينـي مطْلَــــــع أُغنية أغَني فيها للصُبْحِيـــــة
    وتِسْمَعوا كُلُكُو جَنبي أحلى الأغاني الشبابية


    صديقي الغلبان


    مسكين وحاله حال *** بكاني على حاااااله
    غلبان وعنده عيال *** والصبر راس ماااااله
    وليل نهار شغال *** زي الحمار حاله
    ما الارض مش أرضه *** والمال مهوش ماله

    شغال وبيحارب *** في الفقر من بيت بااااب
    من الحزن ليه نايب *** وإن قال فرح كدااااب
    ولربه جه تايب *** وربك التواااااب
    رجع اللي كان غايب *** لأهله وعياااااله

    مسكين وحاله حال *** بكاني على حاااااله
    غلبان وعنده عيال *** والصبر راس ماااااله
    وليل نهار شغال *** زي الحمار حاله
    ما الارض مش أرضه *** والمال مهوش ماله

    والله ماهو عايز *** غير ناس تفكر فييييه
    أو حد يوم جايز *** يمسح دموع في عنيييه
    غيره مفيش حاسس *** باللي يبات يداريه
    غير ربك الحارس *** والجنه باقياااااله

    مسكين وحاله حال *** بكاني على حاااااله
    غلبان وعنده عيال *** والصبر راس ماااااله
    وليل نهار شغال *** زي الحمار حاله
    ما الارض مش أرضه *** والمال مهوش ماله


    وطـــــــــــــ ـــــــــــاويــــــــــــــــــ ــــــــــــــط



    عايشين وطاويط
    ساكتين علطول
    وإن قلنا كلام فكلامنا عبيط

    في نهار نايمين
    بالليل صاحيين
    ماسكين نبابيت علشان وطاويط

    بنقول في كلام
    ومهوش مسموع
    وإن مره سمعته تقول ظغاريط

    جناحتنا خفاف
    بالرغم ده كله تشوفنا تخاف
    وتخاف من إيه محناش عفاريت

    قاعدين بنقول ونعيد ونزيد
    بنقول شعارات
    وكلام وحديت

    وهنعمل إيه ماهو صووت مكتوم
    طالع من جوه بحر غويط

    وعددنا كبير
    ملايين ملايين
    والخمسين منا يِمْلُو غَبيط

    يضربو لبنان
    بغداد وجولان
    محناش سامعين أصلنا وطاويط

    بننام مقلوب
    وعيشيتنا كلها بالشقلوب
    وإن مره سمعنا رصاصه نطير
    ونهيص ونظييط

    بنقوم بالليل نفضل صاحيين
    علشان بنخاف كده مـ الديناميت

    نسمع في صراخ وعويل نايمين
    بتزعقو ليه محناش فاهمين
    والله وطاويط

    يضربو لبنان يضربو حلوان
    لو ضربو الكهف بتاعنا كمان
    علطول هنطير
    ونروح لبعيد
    ونعيش وطاويط
    avatar
    ÅƝẵ-męsĥ BtẵǮ-Bŋẳt‏

    المساهمات : 546
    تاريخ التسجيل : 24/05/2010
    العمر : 23
    الموقع : ربــي ... تــركـتُ ما أُحِــب من أجــل ما تـُـحـِـب ... فإجعـل ما تـُـحـِـب هو كـل ما أُحِــب ... وأكتــب لي فـِعلَ ما تـُـحـِـب ... فحُبـــكَ غــاية ما أُحِـب ما آجمـل آن تُرضـي الله بما يُحب.... فتجـده يُرضيـك بآكثـر مما تُحب, كـ‗__‗ـيـ‗__‗ـف أحـ‗__‗ـزن واللّـ‗__‗ـه ربـ‗__‗ـي) ___

    رد: الشعر الحلمنتيشي

    مُساهمة  ÅƝẵ-męsĥ BtẵǮ-Bŋẳt‏ في الثلاثاء يوليو 12, 2011 12:23 am

    الله يا سيدى الله
    الله يا رحمك يا خال يا ابنودى
    بجد والله الى خلف ممتش
    avatar
    Crying sky

    المساهمات : 108
    تاريخ التسجيل : 05/06/2010
    الموقع : جاي بكلمها الشحن فصل زعلت واتقمصت من اللي حصل قال يعني بخونها ولا بغشها فاكراني قفلت السكه في وشها مع اني انا اللي في الاول متصل رحتلها اقابلها لقيت بنت اختها بتقولي خلاص الموضوع انتهي ومعاها جواب مكتوب فيه متاسفه لا في بينا كلام ولا سابق معرفه رغم اني مفيش اي غلطه عملتها جاي بكلمها الشحن فصل زعلت واتقمصت من اللي حصل لميت صاحبتها وقعدت احلفلهم وانا بحكي صعبت عليهم كلهم طلعوا مناديلهم وهات يا عياط وانا عمال ابصلهم واشهد ربنا علي ظلم وقسوه ناس بنحبهم تاني يوم علي بيتها جريت بالوردتين قلتلها انا اسف وهمشي بعدتين ضحكت وقالتلي بهزر كل ده انا عارفه ان انت متجيش الا بكده سالتني ايه رايك وشوفت وصلت فين جاي بكلمها الشحن فصل زعلت واتقمصت من اللي حصل قال يعني بخونها ولا بغشها فاكراني قفلت السكه في وشها

    رد: الشعر الحلمنتيشي

    مُساهمة  Crying sky في الثلاثاء يوليو 12, 2011 12:28 am

    ها ها ها ها ها ها خفه يلا والله خفه ومحدش قالك قبل كدا
    avatar
    ÅƝẵ-męsĥ BtẵǮ-Bŋẳt‏

    المساهمات : 546
    تاريخ التسجيل : 24/05/2010
    العمر : 23
    الموقع : ربــي ... تــركـتُ ما أُحِــب من أجــل ما تـُـحـِـب ... فإجعـل ما تـُـحـِـب هو كـل ما أُحِــب ... وأكتــب لي فـِعلَ ما تـُـحـِـب ... فحُبـــكَ غــاية ما أُحِـب ما آجمـل آن تُرضـي الله بما يُحب.... فتجـده يُرضيـك بآكثـر مما تُحب, كـ‗__‗ـيـ‗__‗ـف أحـ‗__‗ـزن واللّـ‗__‗ـه ربـ‗__‗ـي) ___

    رد: الشعر الحلمنتيشي

    مُساهمة  ÅƝẵ-męsĥ BtẵǮ-Bŋẳt‏ في الأربعاء يوليو 13, 2011 1:24 pm

    هما حوالى 3
    رفعت ... رفعت العربى ....رفعت العربى الشيخ

    هما ال3 دول هما الى دايما بيقولوهالى
    avatar
    Ř € Ҝ θ ..... Ļ θ Ṽ € Ř Ṧ

    المساهمات : 213
    تاريخ التسجيل : 21/04/2010
    العمر : 24
    الموقع : مــن يغيـــب عنــك لـ يوميــن .. دون عـــذر .. يتــركـك وحيــدا" .. دون ســؤال .. تــأكّــد أنــه .. يســـتطيـع أن يغيـــب العمــر كلـــه .. دون وداااااااااع

    رد: الشعر الحلمنتيشي

    مُساهمة  Ř € Ҝ θ ..... Ļ θ Ṽ € Ř Ṧ في الأربعاء يوليو 13, 2011 3:05 pm

    ههههههههههه دا انا هو انا بقولك ايه يابني انت وبعدين هو انا اعرف حاجة دا موضوع سكه زي أحمد السقا هههههههههههههه
    avatar
    الاميرة النائمة

    المساهمات : 231
    تاريخ التسجيل : 25/08/2010
    الموقع : كل شىء احبه اتوقع ضياعه

    رد: الشعر الحلمنتيشي

    مُساهمة  الاميرة النائمة في الإثنين يوليو 18, 2011 12:32 am

    هو شعر






























    كويس


    بس




























    يزهق ويعصب اووووووووووووووووى
    avatar
    Ř € Ҝ θ ..... Ļ θ Ṽ € Ř Ṧ

    المساهمات : 213
    تاريخ التسجيل : 21/04/2010
    العمر : 24
    الموقع : مــن يغيـــب عنــك لـ يوميــن .. دون عـــذر .. يتــركـك وحيــدا" .. دون ســؤال .. تــأكّــد أنــه .. يســـتطيـع أن يغيـــب العمــر كلـــه .. دون وداااااااااع

    رد: الشعر الحلمنتيشي

    مُساهمة  Ř € Ҝ θ ..... Ļ θ Ṽ € Ř Ṧ في الإثنين يوليو 18, 2011 1:53 am

    دا شعر بينكتب مش شعر بنسرحه ونقف قدام المرايا بالساعات علشان يعصب يعني دا انا بموت في الشعر دا عامل زي الاغاني الراب
    avatar
    Salma

    المساهمات : 44
    تاريخ التسجيل : 12/08/2011
    العمر : 21
    الموقع : مش مهم

    رد: الشعر الحلمنتيشي

    مُساهمة  Salma في الجمعة أغسطس 19, 2011 8:27 am

    ياحرام فعلا مثير للشفقة
    avatar
    دموعك غاليه عليه

    المساهمات : 74
    تاريخ التسجيل : 22/07/2010
    العمر : 23
    الموقع : أنا مش فارس ولا فتى أحلام أنا زحمة وربكة وشغل جنان نص بيضحك والتانى زعلان أنا شيخ فلتان .. طيب ، شرير وجرئ وجبان أوقات مشرق وأوقات بهتان وساعات سلم وساعات تعبان مفترى جدآ وكمان غلبان ، شبابيك وببان ، توهكم العنوان أنا من الأخر عفريت لابس بدلة أنسان

    رد: الشعر الحلمنتيشي

    مُساهمة  دموعك غاليه عليه في السبت أغسطس 20, 2011 5:52 pm

    مثير للشفقة




    ياااااااااااااااه

    للدرجه دى


    ولا حاجه عادى
    avatar
    ÅƝẵ-męsĥ BtẵǮ-Bŋẳt‏

    المساهمات : 546
    تاريخ التسجيل : 24/05/2010
    العمر : 23
    الموقع : ربــي ... تــركـتُ ما أُحِــب من أجــل ما تـُـحـِـب ... فإجعـل ما تـُـحـِـب هو كـل ما أُحِــب ... وأكتــب لي فـِعلَ ما تـُـحـِـب ... فحُبـــكَ غــاية ما أُحِـب ما آجمـل آن تُرضـي الله بما يُحب.... فتجـده يُرضيـك بآكثـر مما تُحب, كـ‗__‗ـيـ‗__‗ـف أحـ‗__‗ـزن واللّـ‗__‗ـه ربـ‗__‗ـي) ___

    رد: الشعر الحلمنتيشي

    مُساهمة  ÅƝẵ-męsĥ BtẵǮ-Bŋẳt‏ في السبت أغسطس 20, 2011 11:29 pm

    مثير للشفقه
    avatar
    دموعك غاليه عليه

    المساهمات : 74
    تاريخ التسجيل : 22/07/2010
    العمر : 23
    الموقع : أنا مش فارس ولا فتى أحلام أنا زحمة وربكة وشغل جنان نص بيضحك والتانى زعلان أنا شيخ فلتان .. طيب ، شرير وجرئ وجبان أوقات مشرق وأوقات بهتان وساعات سلم وساعات تعبان مفترى جدآ وكمان غلبان ، شبابيك وببان ، توهكم العنوان أنا من الأخر عفريت لابس بدلة أنسان

    رد: الشعر الحلمنتيشي

    مُساهمة  دموعك غاليه عليه في الأحد أغسطس 21, 2011 2:30 am

    avatar
    لحن !الحياة

    المساهمات : 760
    تاريخ التسجيل : 07/06/2011
    الموقع : احـــســـاس قـــاســى جــدا... . . . . ... ... ... ... ... . . . . . . . عــنــدما تـجـبـر نـفـسـك عـلـى تـجـاهـل شـخص... كــان يــعــنــى لــك الـعــالم بأكــمــلــه ♥♥♥ والأصــعـــب مــنــه.. عــنــدمــا تــتــعــمــد تــجــاهــلـــه.. وبــداخـــلـــك ♥♥♥♥عـــشـــق كــبـــيـــر لـه

    رد: الشعر الحلمنتيشي

    مُساهمة  لحن !الحياة في الأحد أغسطس 21, 2011 9:13 am

    شفقة ممكن بردوا bounce
    avatar
    i'M Baçk y Bα̗ŋĩǎDм̤̣̈̇ǝή

    المساهمات : 13
    تاريخ التسجيل : 11/07/2012

    رد: الشعر الحلمنتيشي

    مُساهمة  i'M Baçk y Bα̗ŋĩǎDм̤̣̈̇ǝή في الأربعاء يوليو 11, 2012 3:48 pm

    يعنى ايه شفقه .. !؟
    avatar
    الاميرة النائمة

    المساهمات : 231
    تاريخ التسجيل : 25/08/2010
    الموقع : كل شىء احبه اتوقع ضياعه

    رد: الشعر الحلمنتيشي

    مُساهمة  الاميرة النائمة في الأربعاء يوليو 11, 2012 6:07 pm

    ايواااااااا بالظبط كده
    avatar
    i'M Baçk y Bα̗ŋĩǎDм̤̣̈̇ǝή

    المساهمات : 13
    تاريخ التسجيل : 11/07/2012

    رد: الشعر الحلمنتيشي

    مُساهمة  i'M Baçk y Bα̗ŋĩǎDм̤̣̈̇ǝή في الأربعاء يوليو 11, 2012 9:16 pm

    ايه ده بجد !! مكنتش اعرف انها بسيطه كده ...xD
    avatar
    Twilight

    المساهمات : 237
    تاريخ التسجيل : 22/08/2011
    العمر : 22
    الموقع : ليرحل من يرحل من حياتى وليبقى من يشاء فانا لا التفت ابدا للوراء فالحب لا ياتى ابدا بتوسل ورجاء وغرور من امامى زادنى كبرياء

    رد: الشعر الحلمنتيشي

    مُساهمة  Twilight في الجمعة يوليو 13, 2012 7:25 pm

    شعر كويس وبيعجبنى بس اهم حاجة فيه طريقة الالقاء هى اللى بتفرق

      الوقت/التاريخ الآن هو الأربعاء ديسمبر 13, 2017 10:26 pm